Knjiga ot Štefeka z Međimorja

subota, 13.02.2016.

2. BIK JE PREK MENE SKOČIL

BIK JE PREK MENE SKOČIL
Dok sem bil malji dečec, joko sem se rado igral i to na grunto jerbo se mala deca ne smejo igrati na poto kaj njis na zjahal Zetor ilji kakof drugi traktor ilji pok avto. Nejrejši sem brnel i posmikoval frtoljko cigla po proho i to mje bil avto ilji traktor. Na cigel sem z vogljenjem narisal obloke i bil je kaj provi avto.
Jempot sem tak brnel s frtoljkom cigla pre štolnem poceko i najempot je nekaj prek mene skočilo. Malo sem se zljecal. Ot stroha sem opal na vlastito rit. A to kaj je skočilo je bil naš bik koj se f štalji rezvezal i skočil je prek mene i ljetel je po grunto kaj eroplon. Zritoval se po grunto kaj icek. A joj, meni, joj! Ot stroha sem se v gače poscal, alji sem sejeno mojki viknol:
– Mojka, meni je joko sila iti cukat!
A mojka, dok so vidlji kaj je bikonec prek mene skočil, so ne čulji da je meni sila cukat iti, nego so samo viknolji:
– Za pet ron Kristošovi! Jezoš Kristoš i Marija, pomogajte! Dečeca je te pekljenski duh hmoril! Of čas bom na mesti mrtva jerbo sem šlagerana.
I unda so se najempot zrušilji kaj puna vreča dok jo nešče porine. A jo sem se počel strašno i prestrašno bečati i vikati:
– Mojka, mojka, najte hmreti jo bom dober i to zanavek!
Odnekot so se najempot stvorilji soseda Mara i počelji so mojko zdigati i vikati:
– Soseda, soseda! Zdignite se! Jondri, fljetno sim hodi!
Došlji so i sosed Jondri, odneslji so mojko fižo i poljeglji so njis onak oblječene z
opravom na posteljo i počelji so njis mocati z mokrom krpom. Jo sem se i dalje rožđil i bil sem stroho za mojko kaj provi strahopezdec. Mene je nišče ne mel čas preslječi, nek sem onak posconi štrptal kre postelje. Nešče je bika prijal i svezal nazoj f štalo. Misljim da so to bilji sosed Donči jerbo so i oni k nam dobežalji.
Mojka so dogo još lježalji i to na postelji. Neso moglji jesti i za por dni so tak joko osuhelji kaj so bilji suhi kaj slota.
Akat tamo, jenoga dneva so samo tak š čistoga mira hmrlji, Bok jim dušo zveljiči i grehe oprosti. I unda so njis na grobjo zakopalji. A onoga prasca, bika, so japica f krej dolji jerbo drugo je ne niti zavredel. Mrcina jena prokljeta, da mrcina.

13.02.2016. u 02:02 • 8 KomentaraPrint#

<< Arhiva >>

Creative Commons License
Ovaj blog je ustupljen pod Creative Commons licencom Imenovanje-Dijeli pod istim uvjetima.



< veljača, 2016 >
P U S Č P S N
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29            

Travanj 2016 (3)
Ožujak 2016 (4)
Veljača 2016 (4)
Siječanj 2016 (1)

Dnevnik.hr
Gol.hr
Zadovoljna.hr
OYO.hr
NovaTV.hr
DomaTV.hr
Mojamini.tv

Opis bloga

Bom vam napisal nekaj o sebi, o svoji familjiji, o pajdošima i kajkaj toga...

Linkovi


Loading